ئیمارت یەكەم وڵاتی عەرەبیە كە هەموو هاوڵاتییەكانی ژەمی یەكەمی ڤاكسینیان وەرگرتووە

ئیماراتی عەرەبی یەكگرتوو، بەیەكەمیین وڵاتی عەرەبی لەسەر ئاستی جیهان دادەنرێت، كە هەموو هاوڵاتیەكانی، ژەمی یەكەمی ڤاكسینی كۆرۆنایان وەرگرتووە. 
وەزارەتی تەندروستی و پاراستنی كۆمەڵگەی ئیمارت لە بەیاننامەیەكدا ئاشكرایكردووە، تاكو ئێستا سەرجەم هاوڵاتیان، ژەمی یەكەمی ڤاكسینیان وەرگرتووەو، لەسەدا 93یش ژەمی دووەمیان وەرگرتووە. 
وەزارەتی تەندروستی ئیمارات ڕوونیشیكردوەتەوە، تاكو ئێستا 23 ملیۆن و 90 هەزارو 649 ژەمە ڤاكیسنیان بۆ هاوڵاتیان بەكارهێناوە، ئەمەش دەكاتە ڕێژەی سەدا سەد بۆ وەرگرانی ژەمی یەكەم و ڕێژەی لەسەدا 93 و پۆینت 8 ، بۆ وەرگرانی ژەمی دووەم.