دكتۆر گه‌يلان قادر زه‌نگه‌نه نوێنه‌رى كه‌ركوك له فراكسيۆنى يه‌كێتيى نيشتمانيى كوردستان له ڕاگه‌يه‌ندراوێكدا خوێندكارە كەركوكییەكانی كۆلیژی پزیشكی لە زانكۆكەكانی عێراق و هەرێمی كوردستان ئاگه‌دار ده‌كاته‌وه كه به‌زووترين كات سەردانی كۆلێژی پزیشكی زانكۆی كەركوك بكەن بەمەبەستی پێشكەشكردنی مامه‌ڵه‌ى گواستنەوە بەشێوەی (استضافه)
ده‌قى ڕاگه‌يه‌ندراوه‌كه :
دوای ئەوەی خوێندكارانی كۆلێژی پزیشكی لە زانكۆكانی عێراق و هەرێمی كوردستان كە دانیشتووی شاری كەركوكن داوایانكرد هاوكاریان بن لە گواستنەوەیان بەشێوەی (استضافه) بۆ كۆلێژی پزیشكی زانكۆی كەركوك ، لەگەڵ وەزیری خوێندنی باڵا و توێژینەوەی زانستی عێراق و راگری كۆلێژی پزیشكی زانكۆی كەركوك قسەمانكرد و دۆخی دارایی و سەختی رێگاكان بۆ هاتوچۆی خوێندكارانمان بۆ وەزیری خوێندنی باڵا و توێژینەوەی زانستی عێراق روونكردەوە بەڕێزیان ره‌ززمەندیان نیشاندا بە گواستنەوەیان بۆ شاری خۆیان بۆیە داوا لە خوێندكارە بەڕێزەكان دەكەم سەردانی كۆلێژی پزیشكی زانكۆی كەركوك بكەن بەمەبەستی پێشكەشكردنی مامەڵەكانیان.
دكتۆر گەیلان قادر زەنگەنە نوێنەری كەركوك لە فراكسیۆنی یەكێتی نیشتمانی كوردستان لە پەرلەمانی عێراق
Copyright © 2020 Kirkuk Tv All Rights Reserved Designed And Developed By AVESTA GROUP