قوباد تاڵه‌بانی: هێزه‌ ئه‌منیه‌كان سه‌رقاڵی به‌هاناوه‌چوونی قوربانیان و رزگاركردنیانن

مه‌كته‌بی سیاسی یه‌كێتی هاوخه‌می بۆ رووداوه‌كه‌ی سلێمانی ده‌رده‌بڕێت

مه‌كته‌بی سیاسی (ی ن ك)  بۆ رووداوی ته‌قینه‌وه‌كه‌ی شاری سلێمانی كه‌ به‌هۆی لێچوونی غازه‌وه‌ له‌ سیسته‌می شۆفاش روویدا، هاوخه‌می و دڵته‌نگی راده‌گه‌یه‌نێت و ئاماده‌یی  هه‌موو  هاوكاریكردنێكیش  ده‌رده‌بڕێت. 

هاوكات، قوباد تاڵه‌بانی جێگری سه‌رۆكی حكومه‌تی هه‌رێمی كوردستان بۆ رووداوی ته‌قینه‌وه‌كه‌ی سلێمانی له‌ په‌یامێكدا رایگه‌یاند له‌سه‌ره‌تاوه‌ هه‌موو هێزه‌ ئه‌منی و په‌یوه‌ندیداره‌كان سه‌رقاڵی به‌هاناوه‌چوونی قوربانیان و رزگاركردنیان بوون و نه‌خۆشخانه‌كان به‌هه‌موو توانایانه‌وه‌ له‌ئاماده‌ییدابوون و له‌ڕۆژانی داهاتوودا لێكۆڵینه‌وه‌ی ورد ده‌كرێ له‌پێناو رێگه‌گرتن له‌دووباره‌بوونه‌وه‌ی كاره‌ساتی له‌م شێوه‌یه‌.

فراكسیۆنی ی ن ك له‌ ئه‌نجومه‌نی نوێنه‌رانی عێراق، له‌ په‌یامێكی هاوخه‌میدا رایگه‌یاندووه‌:" هاوخه‌میی و په‌رۆشی خۆمان بۆ كه‌سوكاری قوربانیه‌كان و شاری سلێمانی خۆشه‌ویست دووپات ده‌كه‌ینه‌وه‌و  هیوادارین ئه‌مه‌ كۆتا كاره‌سات و ناخۆشی هه‌موولایه‌ك بێت.