عه‌توان عه‌توانی سه‌رۆكی لیژنه‌ی دارایی له‌په‌رله‌مانی عیراق له‌لێدوانێكدا رایگه‌یاند: پێشبینیده‌كه‌ن مانگی داهاتوو كێشه‌ی مووچه و بودجه‌ی هه‌رێمی كوردستان چاره‌سه‌ر بكرێت.
وتیشی: هه‌وڵدراوه له‌نێو ناكۆكییه سیاسی و دارایه‌كانی نێوان هه‌رێم و به‌غدا چاره‌سه‌رێكی ریشه‌یی بۆ پرسی مووچه‌ی مووچه‌خۆرانی هه‌رێم بدۆزرێته‌وه.
سه‌رۆكی لیژنه‌ی دارایی په‌رله‌مانی عیراق ئاماژه‌ی به‌وه‌شكرد: زیادكردنی ئه‌و برە پاره‌یه‌ی به‌غدا بۆ هه‌رێمی ده‌نێرێت له 618 ملیار دیناره‌وه بۆ 700 ملیار دینار په‌یوه‌سته به‌پابه‌ندییه‌كانی حكومه‌تی هه‌رێم به‌داواكارییه‌كانی حكومه‌تی عیراق.
باسیله‌وه‌شكرد: ئه‌گه‌ر لایه‌نه‌كان له‌سه‌ر هه‌موواری یاسای بودجه رێكبكه‌ون و هه‌موواره‌كه له‌په‌رله‌مان په‌سه‌ند بكرێت كێشه‌ی مووچه‌خۆرانی هه‌رێم چاره‌سه‌ر ده‌بێت.
Copyright © 2020 Kirkuk Tv All Rights Reserved Designed And Developed By AVESTA GROUP