کەشناسی: لە گەرمیان و کەرکوک بەرزترین پلەی گەرما تۆمار دەکرێت

به‌ڕێوه‌به‌رایه‌تی گشتی كه‌شناسی و بومه‌له‌رزه‌زانیی هەرێم له‌ڕاگه‌یه‌ندراوێكدا بڵاویكرده‌وه‌: ئه‌مڕۆ ئاسمان لەهه‌ورەوە بۆ نیمچه‌هه‌ور ده‌گۆڕێت، ئه‌گه‌ری تاوه‌باران و بروسكەش‌ له‌ناوچه‌كانی رۆژئاوای هه‌رێم و ناوچه‌ سنورییه‌كان و قه‌زای شه‌نگال و ده‌وروبه‌ری و هه‌ندێك له‌ناوچه‌كانی پارێزگای دهۆك هەیە، ئه‌گه‌ری به‌رزبوونه‌وه‌ی تۆزێكی سوكیش له‌ناوچه‌كانی باشوور و رۆژئاوای هه‌رێم هه‌یه‌.
سەبارەت بەبەرزبوونەوەی پلەی گەرماش، كه‌شناسی هەرێم رایدەگەیەنێت لە کەرکوک و گەرمیان بەرزترین پلەى گەرمی تۆماردەکرێت، بەشێوەیەک لەکەرکوک دەگاتە 29 پلەی سیلیزیی و لەگەرمیانیش 30 پلەی سیلیزی تۆماردەکرێت و  شه‌ویش كه‌شه‌كه‌ جێگیرده‌بێته‌وه‌و ئاسمان به‌ره‌و ساماڵ ده‌گۆرێت.
ئاماژه‌ی به‌وه‌شكرد: سبه‌ینێ ئاسمان ساماڵ ده‌بێت و  نزیكه‌ی 1-3 پلەش پلەی گەرما بەرزدەبێتەوە.