عێراق گرێبەستێکی بۆ کڕینی 41 فڕۆکەی جەنگیی لەگەڵ ئەمریکا
ئیمزاکرد، وتەبێژی حکومەتی عێراقیش دەڵێت، لە چەند مانگی داهاتوودا فڕۆکەکان
دەگەنە عێراق.
باسم عەوادی، وتەبێژی حکومەتی عێراق، بە تۆڕی ( سی، ئێن، بی،
سی)ی ئەمریکی، راگەیاند، دوای دیدارەکەی محەمەد شیاع سودانی و جۆ بایدن، عێراق
گرێبەستێکی لەگەڵ ئەمریکا ئیمزاکردووە بۆ کڕینی 41 فڕۆکەی جەنگی.
وتیشی، لە چەند مانگی کەمی داهاتوودا، فڕۆکەکان رادەستی عێراق
دەکرێن و پلانێکی دوورمەودا هەیە، عێراق بەشێکی پارەی فڕۆکەکان بدات و بەشێکی
دیکەی پارەکەش دیاریی ویلایەتە یەکگرتووەکانی ئەمریکا دەبێت.
وتەبێژی حکومەتی عێراق، ئاماژەی بەوەشکرد، رێککەوتن کراوە بۆ
کۆتایهێنان بە کاری سەکۆی ئەلیکترۆنی ناردنە دەرەوەی پارە لە کۆتایی ئەمساڵدا و
پشت بە بانکە مۆڵەتپێدراوەکانی عێراق دەبەسترێت بۆ رێکخستنی پەیوەندیی لەگەڵ
بانکەکانی دەرەوە.
دووپاتیشیکردەوە، لە دیدارەکەی سودانی و بایدن، باس لە
هەڵگرتنی گەمارۆی سەر بانکە عێراقییەکان و کشانەوەی هێزەکانی هاوپەیمانی
نێودەوڵەتی لە عێراق کراوە.
Copyright © 2020 Kirkuk Tv All Rights Reserved Designed And Developed By AVESTA GROUP