لە ئۆپراسیۆنێکدا لە چیای حەمرین ژمارەیەک تیرۆریستی داعش کوژران

لەئۆپراسیۆنێکدا دژی تیرۆرستانی داعش لەچیای حەمرین ژمارەیەک تیرۆرست کوژران.
فەرماندەیی ئۆپەراسیۆنە ھاوبەشەکان لەعێراق لەراگەیەندراوێکدا بڵاویکردەوە، لەلایەن بەڕێوەبەرایەتی ھەواڵگری سەربازی و بەھاوکاری و ھەماھەنگی لەگەڵ فەرماندەیی ئۆپراسیۆنە ھاوبەشەکان لەچیای حەمرین لەسنوری پارێزگای دیالە ئۆپراسیۆنێک دژ بەتیرۆرستانی داعش لەو سنورە ئەنجامدراوە، بەھۆیەوە ژمارەیەک تیرۆرست کوژراون.
راشیگەیاندووە: بەردەوامدەبن لەروبەڕوبوونەوەی تیرۆرستان و پاککردنەوەی ناوچەکە لەپاشماوەکانی داعش.
بەشێک لەمیدیاکانی عێراقیش لەسەر ئەو ئۆپراسیۆنە بڵاویانکردووەتەوە کە بەھۆیەوە ١١ تیرۆرستی داعش کوژراون.