کۆمسیۆنی باڵای سەربەخۆی هەڵبژاردنەکانی عیراق پێنج کاندیدی لە
پڕۆسەی هەڵبژاردنی پەرلەمانی کوردستان دوورخستەوە و بە هۆکاری لەبەرچاوگرتنی رێژەی
ژنان نەبوونی مەرج و پێوەرەکان و لەجێدانانی دیکە.
بەگوێرەی دوو راگەیەندراوێکی کۆمسیۆنەکە ، پێنج کاندید لە
سلێمانی و هەولێر و هەڵەبجە و دهۆک دوورخراونەتەوە و تێیدا هاتووە ئەو کاندیدانەی
دوورخراونەتەوە هۆکارەکانیان جیاوازە و بەگشتی لەبەر لەبەرچاونەگرتنی مەرجەکانی
کاندیدبوون و پارێزگاریکردن لە رێژەی ژنان لە لیستەکاندا بووە.
بانگەشەی هەڵبژاردنی خولی شەشەمی پەرلەمانی کوردستان نزیکەی
مانگێک پێش هەڵبژاردن دەستپێدەکات و کۆمسیۆنیش لە ئامادەکارییەکانی بەردەوامە.
پێشتریش جومانە غەلای وتەبێژی کۆمسیۆنی باڵای سەربەخۆی
هەڵبژاردنەکانی عیراق راگەیاندبوو: "هیچ بڕیارێک بۆ دواخستن یان ئەنجامنەدانی
هەڵبژاردن تا ئێستا لەئارادا نییە و کۆمسیۆن ئامادەیە بۆ ئەنجامدانی پرۆسەکە لە
10-6-2024".
وتەبێژەکەی کۆمیسیۆن ئاماژەی بۆئەوەشکردبوو"بانگەشەی
هەڵبژاردن بۆ پەرلەمانی کوردستان نزیکەی مانگێک پێش ئەنجامدانی پرۆسەکە
بەڕێوەدەچێت و ئەنجومەنی کۆمسیاران بڕیاری لەسەر دەدات کەچەنێک وادە دادەنرێت بۆ بانگەشە".
Copyright © 2020 Kirkuk Tv All Rights Reserved Designed And Developed By AVESTA GROUP