پۆلیسی کەرکوک هەڵمەتێک بۆ دەستبەسەرداگرتنی ماتۆرسکیل
لەسەر شەقامەکانی شارەکە دەستپێدەکات .
لەسەر راسپاردەی لیوا کاوە غەریب فەرماندەی پۆلیسی
کەرکوک و بەسەرپەرشتی عەمید عەبدولقادر فەخرەدین بەڕێوەبەری کاروباری فەوجەکانی پۆلیسی
ئامادە، لەبەیانی ئەمڕۆوە بازگەکانی پۆلیسی فریاکەوتنی کەرکوک هەڵمەتێکیان
دەستپێکردووە بۆ دەستبەسەراگرتنی ماتۆرسکیل
و تائێستاش زیاتر لە 50 ماتۆرسکیل دەستیان بەسەرداگیراوەو رادەستی پۆلیسی هاتووچۆی
کەرکوک کراون.
ئەمەش دوای ئەوە دێت، کە لە ماوەی ڕابردوودا
چەندین ڕووداو و تاوان و کردەوەی تیرۆریستی بە ماتۆڕسکیل ئەنجامدراون، لە نوێترین
ڕووداویشدا دوێنێ شەو لەشەقامی قودسی شاری کەرکوک، دوو کەس کە ماتۆڕسکیلیان پێبووە،
دزیی لە سێ مێرمنداڵ دەکەن و مۆبایلەکانیان دەدزن و بە ماتۆڕسکیلەکە هەڵدێن .
Copyright © 2020 Kirkuk Tv All Rights Reserved Designed And Developed By AVESTA GROUP