نووسراوێکی ڕاکان جبوری بۆ دابەشکردنی مووچەی فەرمانبەرانی ئەنجومەنی پارێزگای کەرکوک ڕەتکرایەوە، ئەوەش بەھۆی ئەوەی ویستوویەتی وەک پارێزگاری بەوەکالەت مامەڵە بکات.
ڕاکان جبوری پارێزگاری بەوەکالەتی پێشووی کەرکوک نووسراوێکی پێشکەشکردووە بۆ خەرجکردنی مووچەی فەرمانبەرانی پارێزگا، بەڵام نووسراوەکەی ڕەتکراوەتەوەو ئەندامانی ئەنجومەنی پارێزگای کەرکوک بەڕاکان جبووریان ڕاگەیاندووە: چیتر ئیمزای تۆ کاری پێناکرێت، بەپێچەوانەوە نووسراوێکی ئەندامانی ئەنجومەنی پارێزگاکە کاری پێدەکرێت کەدوێنێ زۆرینەی ئەندامانی ئەنجومەن بۆ سەرپشکـکردنی عەلی حەمادی یاریدەدەری پارێزگار بۆ کاروباری تەکنیکی کردویانە، لەسەر ئەو بنەمایەو بەئیمزای عەلی حەمادی ئەمڕۆ مووچەی فەرمانبەرانی پارێزگا دابەشکرا.
شایەنی باسە دوێنێ چوارشەممە 11 ئەندامی ئەنجومەنی پارێزگای کەرکوک بەرەسمی عەلی حەمادییان ڕاسپارد بەئیمزاکردن لەسەر مووچەی فەرمانبەرانی پارێزگا.
ڕۆژی ١١ی تەمموزی ئەمساڵ، ڕاکان جبوری پارێزگاری بەوەکالەتی کەرکوک سوێندی یاسایی خواردو وەکو ئەندامی ئەنجومەنی پارێزگا دەستبەکاربوو، بەوەش ئیمزاکردنی نووسراوەکانی وەک پارێزگار رەتکرایەوە.
Copyright © 2020 Kirkuk Tv All Rights Reserved Designed And Developed By AVESTA GROUP