هه‌سه‌ده‌ دەستگیرکردنی سەرکردەیەکی داعش لە دێرەزور رادەگەیەنێت

هێزەکانی سوریای دیموکرات (هه‌سه‌ده‌) بەیاننامەیەکى بڵاوکردەوەو رایگەیاند: تیمەکانی ئۆپراسیۆنە سەربازییەکانی هێزەکانی سوریای دیموکرات بە پاڵپشتی هێزەکانی هاوپەیمانی نێودەوڵەتی لە گوندەکانی ڕۆژهەڵاتی دێرەزور, ئۆپەراسیۆنێکی ئەمنی تایبەت و وردیان ئەنجامدا کە ئامانج لێی دەستگیرکردنی سەرکردەیەکی مەترسیداری داعش بوو.
ئاماژەی بەوەشکردووە: دوای ئەوەی هێزەکانمان زانیاری هەواڵگری وردیان دەستکەوت و چاودێری جوڵەکانیان کرد و توانیمان شوێنی حەمود عەبدوڵا ئەلخەتیب، سەرکردەی داعش کە نازناوی ئەبو (زەکەریا)ی هەبوو دیاری بکەین و گەمارۆی بده‌ین و دەستگیری بكه‌ین.
لە بەیاننامەکەى هه‌سه‌ده‌دا هاتووە: هێزەکانمان دەستیان بەسەر بڕێکی زۆر چەک و تەقەمەنیدا گرتووه ‌له‌ شوێنی نیشته‌جێبونی ئه‌و سه‌ركرده‌یه‌ی داعش.