پاش بەسەربردنی 18 وەرز لەگەڵ یانەی بارسێلۆنا و ماڵئاواییکردنی کۆتایی لە
کەتەلۆنیەکان , یەکەمین یانەی خوازیاری گواستنەوەی سێرجی رۆبێرتۆی ئیسپانی
ھاتەسەرھێڵ و گفتوگۆکانی لەگەڵ ناوبراو دەستپێکرد کە ئەویش یانەی ئەیاکس
ئەمستەردامی ھۆڵەندیە... لە بڵاوکراوەیەکیدا رۆژنامەی ئاسی ئیسپانی رایگەیاند ,
سێرجی رۆبێرتۆی 32 ساڵان بەشێوەیەکی یەکجارەکی کەتەلۆنیای بەجێھێشت و ئێستاش نزیکە
لەڕێککەوتنی کۆتایی لەگەڵ یانەی ئەیاکس ,
ئەمەش لەکاتێکدا لەماوەکانی پێشوو چەندین یانەی سعوودی ھەوڵی گواستنەوەی سێرجی
ئیسپانیان دەدات بەڵام ئەستێرەکەی پێشووی بارسا ئامادەنیە چاوەرێی بۆندی
سعوودیەکان بکات و دەیەوێت وێستگەی داھاتووی خۆی لە ھۆڵەندا تاقی بکاتەوە ,
ئەگەریش ھەیە لەماوەی چەند رۆژی داھاتوودا گواستنەوەی سێرجی رۆبێرتۆ بۆ یانەی
ئەیاکس ئەمستەردامی ھۆڵەندی بەرەسمی رابگەیەندرێت
Copyright © 2020 Kirkuk Tv All Rights Reserved Designed And Developed By AVESTA GROUP
