رياڵ مەدرید گەرمترین مێرکاتۆى هاوینەى دەبێت !

رياڵ مەدرید گەرمترین مێرکاتۆى هاوینەى دەبێت !
ئاکۆ بیبانى
یانەى ریاڵ مەدرید ، دوای کرانە دەرەوەى لە خولى یانە پاڵەوانەکانى ئەوروپا و دۆرانى لە یارى کۆتایی جامى شاى ئیسپانیا بە ڕکابەرە ئەزەلیەکەى کە بارسێلۆنا بوو ، دۆخێکى قورسی لەنێو ماڵى مەدریدەکان و ڤاڵدێبێباس دروستکردوە ، ئەوە یەکلاى بۆتەوە کارلۆ ئەنچیلۆتى بەردەوام نابێت و تەنانەت لە جامى جیهانى یانەکانیش سەرپەرشتى تیپەکە ناکات و جانتاکەى بەرەو بەرازیل دەپێچێتەوە .
هەر لە ئێستاوە گەرمترین میرکاتۆى هاوینە لە چاوەڕوانى ریاڵ مەدریدایە ، سەرچاوەکان کۆکن لەسەرئەوەى چاپی ئەلۆنسۆ دەبێت بە جێگرەوەى کارلۆ و وەک راهێنەرى مەدریدیەکان دەستبەکاردەبێت .
لۆکامۆدریچى کرواتى و ئەندازیارو داینەمۆى هێڵى ناوەند لەکۆتایی ئەم وەرزە بۆندەکەى کۆتایی دێت و ریاڵ مەدرید چاوەڕوانى بڕیارى لۆکایە کە ئارەزوو دەکات گرێبەستەکەى کۆتایی پێ بێت یاخود نا .
لۆکاس فاسکێزى ئەفسانەى یانەکەش دەبێت گوێى لێ بگرێت بەهۆى ئەوەى بۆندەکەى کۆتایی دێت بەڵام بەهۆى هاتنى ئارنۆڵدى بەرگریکارى یانەى لیڤەرپولەوە باشترە ریزەکانى یانەکە جێبھێڵت .
هەردوو یاریزانى یانەکەش ( رۆدریگۆ و ئەلابا ) ناویان لەسەر مێزى گفتوگۆیە و ریاڵ مەدرید ئارەزوو دەکات یاریزانە نەماساییەکە بەرێبکات ، بۆ رۆدریگۆش چاوەڕوانى راهێنەرى نوێ دەکەن ئاخۆ یاریزانەکە لە پلانى دەبێت یاخود نا ، لەئێستاشدا دوو یانەى ئینگلیزى کە ( مان سیتى و ئارسێناڵ) ن ، گرنگى بە یاریزانەکە دەدەن ، خیسۆس ڤالیخۆ لە دوای 10 ساڵ گرێبەستەکەى کۆتایی دێت و چاوەڕوان دەکرێت ماڵئاوایی بکات .
فران گارسیا و مێندى نایانەوێ ریزەکانى یانەى شاهانە جێبهێڵن بەڵام ئیدارەى ریاڵ مەدرید چاوەڕوانى ئۆفەرێک دەکات و دڵخۆش دەبێت بە جێهێشتنى یانەکە .
چاوەڕوان دەکرێت پێنج یاریزان ریزى یانەکە جێبهێلێت و چوار ڕوخسارى نوێ لە قەڵاى سپى دەربکەوێت .
ڤینیسۆس جۆنیۆرى بەرازیلى کە دەنگۆى زۆر دەربارەى ئایندەى بڵاودەکرێتەوە بەهۆى پارە خەیاڵییەکانى سعودیەوە ، بەڵام چاوەڕوان دەکرێت بۆندەکەى نوێبکاتەوە .
سەبارەت بە گرێبەستکردن، ئەلێکساندەر-ئارنۆڵد کە پێشتر ڕێککەوتنی لەسەر کراوە و تا سێ یاریزانی دیکە ئەگەری هەیە وەک یاریزانى نوێى قەڵاى سپى وەرزى داهاتوو دەربکەون،  هەڵسەنگاندنی پرۆفایلەکان لە هێڵی بەرگری چەپ و ناوەڕاستی بەرگری و ناوەڕاست و هەروەها وەک هێرشبەرە .
ئەو ناوەڕاستکارەی بەرگرییەى کە زۆرترین خواستیان لەسەرێتى سالیبایە، یانەکەش باوەڕێکی زۆری بە جوان مارتینێز و جاکۆبۆ ڕامۆن هەیە، لە هێڵی ناوەڕاستیشدا گرنگییەکی تایبەت بە گەڕانەوەی نیکۆ پاز دەدرێت، گواستنەوەی پێشوەختەش بەندە بە ئایندەى ڕۆدریگۆی بەرازیلییەوە