پاریسی نوێ لە لیگاوەن دەرکەوت

پاریسی نوێ لە لیگاوەن دەرکەوت

ساڵى 1969 ، لە شارى پاریسى فەرەنسا یانەیەکى یەکگرتوو هەبوو بەناوى پاریس ئێف سی ، دواتر جیابونەوە لەنێوانیان ڕووى دا و پاریس سانجێرمان نوێ دروست بوو کە ئێستا یەکێکە لە یانە زلهێزەکانى ئەوروپا ، یانەى پاریس ئێف سیش درێژە پێدەرى پاریسە یەکگرتوەکەیە و 47 ساڵە لە خولى پلە دووى یانەکانى فەرەنسا یارى دەکات . ئەم دوو یانەیە یاریگاگانیان رێک بە تەنیشتى یەکترەوەیە و تەنها چەند مەترێک لەیەکترەوە دوورە، دوای نزیکەى نیوسەدە لە یاریکردن ، پاریس ئێف سی توانى کۆتایی بە گرێ کوێرەکان بهێنێت و خۆى بگەیەنێتە خولى پلەیەکى یانەکانى فەرەنسا .
شەوى رابردوو پاریسێکى  نوێ هاتە کێبرکێکانەوە کاتێک لە دوای لۆریان بە پلەى دووەم خۆى گەیاندە خولى پلەیەکی فەرەنسى ، بەمەش وەرزى نوێى خولى فەرەنسى بەچێژتردەبێت ، کلاسیکۆ و دێربیەکى نوێ زیاددەکات کە هاندەرانى پاریسی پایتەخت چێژى لێ دەبینن .
پاریس ئێف سیى لاى هاندەرانى پایتەخت زۆر خۆشەویستە و خۆشەویستیەکەى جیاوازیەکى ئەوتۆى نیە لەگەڵ پاریس سانجێرمانى بەناوبانگ .
لە خولى پلەدووى یانەکانى فەرەنسا ، لۆریان توانى خۆى بسەلمێنێتەوەو جارێکى دیکە بلیتى گەیشتنەوە بە خولى پلەیەکى فەرەنسا بەدەسیبهێنێتەوە کاتێک بە کۆکردنەوەى 68 خاڵ بە پلەى یەکەم گەیشتەوە لیگاوەن ، هەرچى یانەى پاریس ئێف سییە خاوەن66 خاڵە پلەى دووەمى گرت و وەرزى داهاتوو بۆ یەکەمجار لە خولى پلەیەکى یانەکانى فەرەنسا یارى دەکات شان بەشانى پاریس سانجێرمانى زلهێز .