رێخکراوێکی نێودەوڵەتی داوای هەڵدانەوەی گۆڕە بەکۆمەڵەکان لە حکومەتی عیراق دەکات

رێکخراوێکی نێودەوڵەتی داوا لەحکومەتی عیراق دەکات،  گۆڕە بەکۆمەڵەکانی سەردەمی رژێمی بەعس و داعش هەڵبداتەوە.
رێکخراوی هیومان رایتس هۆچ ئەمڕۆ لەراپۆرتێکدا بڵاویکردووەتەوە، هێشتا تەرمی هەزاران قوربانی نایاسایی لەسەرانسەری عیرقدا هەیە. روونیشکردووەتەوە، ئەوانەی لەو گۆڕە بەکۆمەڵانەدا هەن ئەو کوردانەن لەساڵی 1988 بەدەستی سەدام حسێن کۆمەڵکوژ کراون، یاخود قوربانی تاوانەکانی داعشن لەنێوان ساڵانی 2014-2017. 
بەگوێرەی راپۆرتەکەی هیومان رایتس هۆچ، تا ئێستا تیمی لێکۆڵینەوەی نەتەوەیەکگرتووەکان بۆ لێپرسینەوە لەتاوانەکانی داعش و بە بەڵگەنامەکردنیان، پاڵپشتی بەڕێوەبەرایەتی کاروبارو پاراستنی گۆڕە بەکۆمەڵەکانی و بەشی پزیشکی دادی کردووە، بۆ هەڵدانەوە و پشکنینی 67 گۆڕی بەکۆمەڵ، کە پەیوەندییان بەداعشەوە هەبووە.