لە رووداوێکی هاتوچۆدا لە دیوانیە زیارەتکارێکی ئێرانی گیانی لەدەستداو 60 کەسی دیکەش برینداربوون

بەیانی ئەمڕۆ لە رووداوێکی هاتوچۆدا لە پارێزگای دیوانیە کەسێک گیانی لەدەستدا و 60 کەسیش بریندار بوون، کە زیارەتکاری ئێرانی بوون و بۆ بەشداری لە چلەی ئیمام حسێن سەردانی عێراقیان کردبوو.
کۆمەڵەی مانگی سوری ئێرانی، کە بۆ چاودێری گەشتیارانی ئێران هاتووەتە عێراق ئاشکرای کرد: ئەمڕۆ هەینی پاسێک، کە زیارەتکارانی دەگواستەوە لەگەڵ تەنکەرێکی گواستنەوەی سووتەمەنی تووشی پێکدادان بووە و بەهۆی رووداوەکەوە 60 هاووڵاتی ئێرانی برینداربوون، هاوکات شۆفێری پاسەکەش گیانی لەدەستداوە.
چەند رۆژێکە، زیارەتکارانی ئێران و وڵاتانی دیکەی ناوچەکە روویان لە شارەکانی خوارووی عیراق کردوە بە تایبەتی کەربەلا و نەجەف، ئەوەش بە مەبەستی بەشداریکردن لە چلەی ئیمام حسێن.