کەشناسیی عیراق: تا ناوەڕاستی مانگی ئەیلول پلەی گەرمی بە بەرزیی دەمێنێتەوە

عامر جابری بەڕێوەبەری راگەیاندنی دەستەی کەشناسیی عێراق بڵاویکردەوە: هاتنی شەپۆلی گەرمی و بەرزبوونەوەی پلەی گەرمی و شێ تا کۆتایی ئەم مانگە بەردەوام دەبن، چاوەڕێدەکرێت لە ناوەڕاستی مانگی ئەیلولەوە دەست بە دابەزینی پلەکانی گەرما دەکات .
ئاشکراشیکرد، لەدوای ئەو بەروارەی پێشبینیکراوە، دابەزینی پلەی گەرمی بە شێوەی پلەبەندی بەردەوام دەبێت و کەش خۆی بۆ وەرزی سەرما ئامادە دەکات.
هەروەها به‌ڕێوه‌به‌رایه‌تی گشتی كه‌شناسی و بومه‌له‌رزه‌زانی له‌ڕاگه‌یه‌ندراوێكدا بڵاویكرده‌وه‌، ئه‌مڕۆ ئاسمان ساماڵ و په‌ڵه‌ هه‌ور ده‌بێت، پله‌كانی گه‌رما نزیك ده‌بنه‌وه‌ له‌ تۆماركراوه‌كانی دوێنێ .
ئاماژه‌ی به‌وه‌شكرد: سبه‌ینێ ئاسمان ساماڵ و په‌ڵه‌ هه‌ور ده‌بێت به‌ڵام له‌ ناوچه‌كانی ڕۆژهه‌ڵات و باشوری هه‌رێم نیمچه‌ هه‌ور ده‌بێت له‌گه‌ڵ بونی تۆزێكی كه‌م له‌ كاته‌كانی دوای نیوه‌ڕۆ، پله‌كانی گه‌رماش كه‌مێك به‌رزتر ده‌بنه‌وه‌ به‌راورد به‌ تۆماركراوه‌كانی ئه‌مرۆ .