سەرۆکی شارەوانی سلێمانی ئاماری کاروچالاکییەکانی بەڕێوەبەرایەتییەکە دەخاتەروو و رایدەگەیەنێت: ئەمساڵ زیاتر لە 17 ملیار دینار بۆ پرۆژەکانی سلێمانی تەرخانکراوە
لەیلا عومەر سەرۆكی شارەوانی سلێمانی ئاماری کاروچالاکییەکانی شارەوانی بۆ ساڵی 2024 خستەروو و رایگەیاند: ئەو پرۆژە حکومیانەی لەکاردان و نەوەستاون بە بڕی 16 ملیار و 133 ملیۆن و 734 هەزار و 695 دینار بووە، ئەو پرۆژانەی لە ساڵی 2024دا بەشێوەی راستەوخۆ جێبەجێکراون، بڕەکەی دەگاتە 619 ملیۆن و 712 هەزار و 84 دینار بووە، هەروەها 103 ملیار و 87 ملیۆن و 222 هەزار و 449 دینار پرۆژە بەوەبەرهێنەران ئەنجامدراوە بەشێکیان لەم ساڵدا کۆتایی هاتوە و بەشێکیشیان لە بواری جێبەجێکردندان.
لەبارەی دابەشکردنی زەوی بەسەر چین و توێژەکانی پارێزگای سلێمانیدا سەرۆکی شارەوانی سلێمانی رایگەیاند: ئەمساڵ هەزار و 23 پارچە زەوی بەسەر زیندانیانی سیاسی و 130 پارچە زەوی بەسەر وارسی شەهیدان و هەزار و 756 پارچە زەوی دیکەمان بەسەر فەرمانبەراندا دابەشکردووە، ئەمە جگە لەوەی توانیومانە 318 خانووی بێ تاپۆ، تاپۆ بکەین.
Copyright © 2020 Kirkuk Tv All Rights Reserved Designed And Developed By AVESTA GROUP