نرخی نەوت بەرزبووەوە و زێڕیش دابەزی

ئەمڕۆ لە مامەڵە جیهانییەکاندا، نرخی نەوت بەرزبووەوەو زێڕیش کەمێک نرخەکەی دابەزی.
ئەمڕۆ بەرمیلێک نەوتی خاوی برێنت لە بازاڕە جیهانییەکاندا، بە 72 دۆلار و 35 سەنت مامەڵەی پێوەدەکرێت، بەو جۆرەش 0.51% نرخەکەی بەرزبووەتەوە،  بەرمیلێک نەوتی خاوی ئەمریکیش بەرامبەر بە 68 دۆلار و 55 سەنتە.
بەگوێرەی قسەی ئابووریناسان، بەرزبوونەوەی نرخی نەوت پەیوەندی بە پەرەسەندنی گرژییەکانی رۆژهەڵاتی ناوەڕاستەوە هەیەو وایانکردووە خواست لەسەر نەوت بەرزبێت.
لەلایەکی دیکەوە، نرخی زێڕ کەمێک دابەزی و ئەمڕۆ لەگەڵ کردنەوەی بازاڕە جیهانییەکاندا ئۆنسەیەکی بۆ 2 هەزار و 655 دۆلار دابەزی، هاوکات، کیلۆیەک لە کانزا زەردەکە بەرامبەر بە 85 هەزار و 428 دۆلاری ئەمریکییەو 0.25%ی بەهاکەی لەدەستداوە.