بڕیاری 1701ی ئەنجوومەنی ئاسایشی نەتەوەیەکگرتووەکان ئێستا بە یەکێک لە رێگاکانی وەستاندنی هێرشەکانی ئیسرائیل بۆ سەر لوبنان هەژماردەکرێت.
بڕیارەکە لە مانگی ئابی ساڵی 2006 بە تێکڕای دەنگی ئەندامانی ئەنجومەنی ئاسایش پاش چه‌ند هه‌فته‌یه‌ك له تووێژ و دانوستاندن له نێوان وڵاته یه‌كگرتووه‌كانی ئه‌مریكا و فه‌ره‌نسا ده‌رچوو.
بڕیارەکە لەپاش ئەو شەڕە یەک مانگییە دەرچوو لەنێوان سوپای ئیسرائیل و حزبوڵای لوبنانی روویدا کە بەهۆیەوە زیاتر لە هەزار کەس گیانیان لەدەستدا لە ساڵی 2006 دا.
بەپێی بڕیارەکە پێویستە حزبوڵا سەرجەم سەرکردە سەربازییەکانی دژی ئیسرائیل بوەستێنێت، هاوکات پێویستە ئیسرائیلیش هەموو پرۆسە سەربازییەکانی رابگرێت و هێزەکانی سوپاکەی بکشێنێتەوە لە باشووری لوبنان.
ئێستا لەگەڵ دووبارەبوونەوەی دۆخەکانی ساڵی 2006 حکومەتی لوبنان کاراکردنەوەی بڕیارەکە بە تەنها رێگای وەستاندنی ئەو جەنگە هەژماردەکات کە بووەتە هۆی ئاوارەبوونی زیاتر لە ملیۆنێک هاوڵاتیی.
لای خۆیەوە نەجیب میقاتی سەرۆکی حکومەتی کاربەڕێکەری لوبنان بەڵێنی کاراکردنەوەی بڕیارەکەیدا و بەتەنها رێگای هێوربوونەوەی دۆخی باشووری وڵاتەکەی ناوبرد.
Copyright © 2020 Kirkuk Tv All Rights Reserved Designed And Developed By AVESTA GROUP