ئۆپه‌راسیۆنه‌ هاوبه‌شه‌كانی عیراق چەند مۆڵگەیەکی داعشیان بۆردومان کرد

فه‌رمانده‌یی ئۆپراسیۆنه‌ هاوبه‌شه‌كانی عێراق رایگەیاند، ئەشكەوتێكیان لە چیای حەمرین بۆردومان كردووە، كە شوێنی چەكدارانی داعش بووە، بەڵام وردەكاری هێرشەكەیان باس نەكردووە.
درەنگانی دوێنێ شەو شانەی ئەمنیی عێراق لە راگەیاندراوێكدا بڵاویكردەوە، لە زنجیرە چیاكانی حەمرین لە لایەن فڕۆكەی  F1ی سوپای عێراقەوە ئەشكەوتێك بۆردومان كراوە، كە ژمارەیەك چەكداری داعشی تێدابووە لە سنووری ئۆپەراسیۆنەكانی كەركوك.
هاوکات هێزە ئەمنییەكانمان بە پشتبەستن بە چەند زانیارییەكی وردی هەواڵگریی، هێرشەكەیان کردووە و بەردەوامیش دەبن.