گەورەترین دزیییەکانى بالۆن دۆر و ناداد پەروەرییەکانى

دزیییەکانى بالۆن دۆر و ناداد پەروەرییەکانى
ئاکۆ بیبانى
بالۆن دۆر ، ئەو خەڵاتە تاکە کەسییەى کە خەونى هەموو وەرزشکارێکى تۆپى پێیە و گۆفارى فرانس فتبۆڵ لە ساڵى 1956 ەوە بە باشترینەکانى جیهانى دەبەخشێت ، تۆپى ئاڵتونى گرنگترین و بەبەهاترین جامە و دەدرێت بەو یاریزانەى لەسەر ئاستى تاک و بە کۆمەڵ و رەوشتى نێو یاریگا و کاریگەریی لەسەر تیپەکەى هەیە ، راستە 100 رۆژنامەنوسى وەرزشى لە 100 وڵاتى جیهانەوە باشترینەکان هەڵدەبژێرن ، بەڵام هەندێ جار ستەم و ناهەقی گەورە دەکرێت لە یاریزانان ، لەم راپۆرتەدا باسى ئەو یاریزانانە دەکەین شایستەیی بالۆن دۆر بوون بەڵام نازناوەکەیان لێ دزرا .

ویسلى شنایدەرى هۆڵەندى و داینەمۆى هێڵى ناوەندى یانەى ئینتەرمیلانى ئیتاڵى لە ساڵى 2010 ، وەرزێکى نمونەیی پێشکەش کرد و لەگەڵ نیراتزۆرى خولى یانەکانى ئیتاڵیاو چامپیۆنزلیگ و جامى سوپەر و لەگەڵ هەڵبژاردەى هۆڵەنداش گەیشتە یارى کۆتای جامى جیهانى 2010  و لە کاتى زیادکراودا نازناوەکەى بە ماتا دۆرەکان دۆڕاند ، بەهاوبەشى گۆڵکارى مۆندیال بوو کەچى تۆپى ئاڵتونى لەو ساڵەدا بۆ دووەمجار لەسەر یەک درا بە لێونێڵ مێسى ئەرژەنتینى و ئەفسانەیی یانەى بارسێلۆنا .

ساڵى 2013 یە ، یانەى بایرن میونشین لە لوتکەى ئاست بەرزیدایە ، فرانک ریبیرى دەدرەوشێتەوە ، بۆ یەکەمجارە یانەیەکى ئەڵمانى سێ نازناو لەوەرزێکدا بەدەسبهێنێت ، رێیری لەشەقەى باڵ بدات و ئاستى بگات بە ترۆپک ، گۆفارى فرانس فتبۆڵ بەتەواوى نائومێدى کرد کاتێک تۆپى ئاڵتونى بەخشى بە کریستیانۆ رۆناڵدۆى پرتوگالى ، هەرچەندە لەو وەرزەدا 55 گۆڵى کردبوو بەڵام هیچ نازناوێکى نەبردبوەوە ، ئەمەش وەک ناهەقیەک دژى ئەستێرە فەرەنسییەکە دەنگدانەوەى گەورەى هەبوو .

لۆکامۆدریچى کرواتى و یاریزانى یانەى ریاڵ مەدرید بۆیەکەمجار کۆتایی بەهەیمەنەى مێسى و رۆناڵدۆ هێنا و تۆپى ئاڵتونى لە چنگیان دەرهێنا لە ساڵى 2018 ، لەو وەرزەشدا کریستیانۆ رۆناڵدۆ لەگەڵ یۆفی ئاستێکى خەیاڵى پێشکەش کرد و 44 گۆڵى کرد و 15 جاریش لە چامپیۆنزلیگ تۆڕى گۆڵى یانەکانى هەژاند ، ئا لەو ساتەدا لۆکا هات و تۆپى زێرینى برد بەو پێیەى لەگەڵ ریاڵ مەدرید چامپیۆنزلیگى بردوەو لەگەڵ کرواتیاش پلەى دووەمى جامى جیهانى روسیاى بەدەستهێنا ، بەمەش کریستیانۆ بێ ئومێد کرا و تۆپى ئاڵتونى لەچنگى دەرکرا .

لیفاندۆفیسکى بەدبەخت یەکێکە لە خێراترین و ترسناکترین هێرشبەرەکانى جیهان دووجار ستەمى لێکرا ! جارێکییان لە ساڵى 2019 – 2020 ە جارەکەى دیکەش 2020 - 2021  ، جاری یەکەم بە بیانووى کۆرۆنا بالۆن دۆر دابەشنەکرا ، جارى دووەمیش سەربارى ئەوەى لیفا 62 گۆڵى بۆ بایرن تۆمارکرد کەچى ئەو ساڵەش تۆپى ئاڵتونى بە تونێلى ستەمدا تێپەرى و بە لێونێڵ مێسى بەخشرا.

تێرى هێنرى ئینگلیزى و هێرشبەرى یانەى ئارسیناڵى ئینگلیزى لە 2002 -2003 ستەمێکى گەورەى لێکرا و تۆپى پێ زۆر ناداپەروەر بوو ، سەربارى ئەوەى هێنرێ 24 گۆڵى لە پرێمەرلیگ کردبوو ، 25 ئاسیستى کردبوو ، خەڵاتى گۆڵکار و باشترینى پرێمەرلیگى هەبوو کەچى پافێڵ نێدفیدى ئەفسانەى چییکى کرا بە پادشا و تاجى تۆپى زێرینى لەسەرکرا .

دووبارە باسی لێونێل مێسىیە بەدیاریکراوى باس باسى ساڵى 2023یە ، مێسى لە مۆندیال هەموو شتێکى کرد و خەونە گەورەکەى بەدى هێنا کە بردنەوەى جامى جیهانى بوو ، بەو پێیەى دەسکەوتەکانى 2022 – 2023 هەژماردەکرا ، مێسى وەک براوەى بالۆن دۆر دیاریکرا هەرچەندە ئێرلینگ هالاندى نەویژى لە لوتکەى ئاست بەرزیدا بوو لەو ساڵە لە 53 یاریدا 52 گۆڵى تۆمارکردبوو بەڵام بووە قوربانى جامى جیهانى و تۆپى ئاڵتونى بەخشرا بە مێسى.


دواین ستەم و ناهەقی ، بەرامبەر بە فینیسۆس جۆنیۆرى بەرازیلى و هێرشبەرى یانەى  ریاڵ مەدرید کرا و بووە قوربانى کێشەکانى پێرێز و فرانس فتبۆڵ ، سەربارى ساڵێکى پڕ لە ماندبوون و دەسکەوت و چنینەوەى نازناوەکان کەچى رۆدری شۆککرا و تۆپى ئاڵتونى پێ بەخشرا .

یاریزانە ئیسپانییەکان چەندین ساڵ بوو غەدریان لێ دەکرا ، ئێنێستا لە ساڵى 2010 و 2012 و  چافی هێرنادێز لە ساڵانى 2009 و 2010 و فێرنادۆ تۆرێس لە 2008 و رائول گۆنزالێس لە 2001 شایستەی تۆپى ئاڵتونى بوون بەڵام ئەوانیش ستەمیان لێکرا  .