پارێزگاری كەركوك لەهۆكاری دابەشنەكردنی مووچەی سێ مانگی كارمەندانی كۆمپانیایەك دەكۆڵێتەوە

بەیانی ئەمڕۆ كارمەندانی كۆمپانیایەكی بەرهەمهێنانی شیش لە كەركوك دژی دابەشنەكردنی مووچەكانیان گردبوونەوە و لە گردبوونەوەكەدا ڕایانگەیاند كە ماوەی سێ مانگە لەلایەن بەڕێوەبەری كۆمپانیاكەوە دەستی دەستیان پێدەكرێت و موچەیان پێنادرێت هەروەها لەڕێگەی مایكی كەناڵی كەركوكەوە داوایانكرد كە پارێزگاری كەركوك بەهانایانەوە بچێت و كێشەكەیان بۆچارەسەر بكات ، لەوبارەیەوە نالی ئیرشاد پەیامنێری كەناڵی كەركوك ڕایگەیاند ڕێبوار تەها پارێزگاری كەركوك بڕیاریداوە ڕۆژی یەكشەممە چاوی بەسەرجەم كارمەندەكان بكەوێ و لەهۆكاری دابەشنەكردنی موچەكانیان و كێشە و گرفتەكانیان دەكۆڵێتەوە.