نیوه‌ڕۆی ئه‌مڕۆ لە نزیک بازاری لەنگەی هەولێر ئاگر له دوكانێكی جوانکاریی ئۆتۆمبێل كه‌وته‌وه و بەهۆیەوە ژماره‌یه‌ك دووكانی دیكه‌ش زیانیان به‌ركه‌وت بەوتەی به‌رگری شارستانی هه‌ولێریش، لەو رووداوەدا جگە لە زیانی ماددی، زیانی گیانی نەبووە.
موقه‌ده‌م شاخه‌وان وته‌بێژی به‌رگری شارستانی هه‌ولێر ڕایگه‌یاند: سەرەتا ئاگرەگە له دووكانێكی جوانکاریی ئۆتۆمبێل كه‌وتوه‌ته‌وه و بەهۆی تەشەنەسەندنییەوە گەیشتووەتە كۆگایه‌كی قوماش و ئیسفەنج و به‌ته‌واوی سوتاوه، هەروەها دوو دووكانی دیکەش زیانیان بەرکەوتووە.
وتیشی: 15 تیمی به‌رگری شارستانی راستەوخۆ گه‌یشتونه‌ته شوێنی ڕوداوه‌كه و كۆنتڕۆڵیان كردوه و زیانی گیانی نییه، بەڵام زیانە ماددییەکان به نزیكه‌ی 30 هه‌زار دۆلار ده‌خه‌ملێندرێت.
Copyright © 2020 Kirkuk Tv All Rights Reserved Designed And Developed By AVESTA GROUP