نرخی نه‌وتی خاو به‌رزبوونه‌وه‌یه‌كی دیكه‌ی تۆماركرد

نرخی یەک بەرمیل نەوتی خاوی برێنت گه‌یشته‌ 76 دۆلار و 59 سه‌نت و بەراورد بە هەفتەی ڕابردوو نرخی هەر بەرمیلێک دوو دۆلار زیادیکردووە. 
 
ئەمڕۆ شەممە، 4ی کانوونی دووەمی 2025  بۆ دووەم رۆژ لەسەریەک و جارێکی دیکە نرخی نەوت بەرزبوونەوەیه‌كی دیكه‌ی تۆماركردو نرخی یەك بەرمیل نەوتی خاوی برێنت لەگەڵ کردنەوەی بازاڕی جیهانیدا بە 76 دۆلار و 59 سەنت دیاری کرا و بەراورد بە دوێنێ نرخەکەی 0.76% بەرزبووەتەوە.

هاوكات نرخی یەك بەرمیل نەوتی سووكی تێكساس بە 73 دۆلار و 96 سەنت مامەڵەی پێوە دەکرێت و بەڕێژەی 0.83% بەرزبووەتەوە.

ئه‌مه‌ له‌كاتێكدا له‌ چەند مانگی رابردوودا، نرخی نەوت لەنێوان 70 بۆ 75 دۆلار  له‌ هه‌ڵكشان و داكشاندا بو دوای کەوتنی رژێمی سوریا و گۆڕانکارییە خێراکانی ناوچەکەش، رووی لە دابەزین کرد، بەڵام به‌ وته‌ی شرۆڤه‌كارانی ئابووری، به‌ هۆی راگه‌یاندنی سیاسه‌تی گه‌شه‌پێدانی زیاتری ئابووری نوێی چین و ئه‌و شه‌پۆلی سه‌رمایه‌ی كه‌ ئه‌مریكاو وڵاتانی ئه‌وروپای گرتووه‌ته‌وه‌و دووبارە رووی لە بەرزبوونەوە کردووەو ئەمڕۆش نرخی نەوت بۆ هەربەرمیلێک  76 دۆلاری تێپەڕاند.