وەزارەتی پێشمەرگە رایدەگەیەنێت: نەخۆشخانەی پێشمەرگە دەفتەری چارەسەری مانگانە بۆ پێشمەرگە و کەسوکاری شەهیدان دەڕەخسێنێت.
وەزارەتی پێشمەرگە ئاگادارییەک بڵاودەکاتەوە و رایدەگەیەنێت: لەئەنجامی ئەو هەوڵ و کۆششانەی بەڕێوەبەرایەتی کاروباری تەندرووستی وەزارەتی پێشمەرگە کردوونی، توانرا نەخۆشخانەی پێشمەرگە لە هەولێر ببێتە ناوەندێکی تەندروستی بۆ دابینکردنی دەرمان بۆ نەخۆشانی دڕێژخایەنی پێشمەرگە.
لە ئاگادارییەکەی وەزارەتی پێشمەرگەشدا هاتووە: نەخۆشخانەی پێشمەرگە سەرجەم پێشمەرگە قارەمانەکان و کەسوکاری شەهیدان ئاگاداردەکاتەوە، دوای پشووی سەری ساڵ دەست بە دروستکردنی دەفتەر چارەسەری مانگانە بۆ ئەوانەی نەخۆشی درێژخایەنیان هەیە دەکرێت، تاوەکوو دەرمانی مانگانە لە نەخۆشخانەی پێشمەرگە وەربگرن.
ئاماژە بەوەشکراوە: دەفتەری چارەسەری مانگانە تەنها پێشمەرگە و کەسوکاری شەهیدان و کەسی پلەیەکیان دەگرێتەوە.
Copyright © 2020 Kirkuk Tv All Rights Reserved Designed And Developed By AVESTA GROUP