شەڕڤانانی هەسەدە لە بەنداوی تشرین روبەڕوی گروپە چەکدارەکانی نزیک لە تورکیا دەبنەوە

هێزەکانی هەسەدەو گروپە توندڕەوەکانی سوریا بە پاڵپشتی هێزەکانی تورکیا لەنزیک بەنداوی تشرین لەرۆژئاوای کوردستان لەشەڕێکی سەختدان و هێزەکانی هەسەدە لەبەرگرییەکی تونددان و سەرجەم هێرشەکانیان تێکشکاندوە.

بەگوێرەی سەرچاوە میدیاییەکان، ئەمڕۆ چەکدارە توندڕەوەکانی سوریا و هێزەکانی تورکیا هێرشیان کردەسەر بەنداوی تشرین و ‌هێزەکانی ئەنجومەنی سەربازی منبجی سەر بە هێزەکانی هەسەدە بە توندی وەڵامی ئەو هێرشانە دەدەنەوە.

هەر بەپێێ ئەو زانیارییانە، تا ئێستاش شەڕ و ئاڵۆزییەکی سەخت لە نزیک بەنداوەکە لەنێوان هێزەکانی هەسەدەو چەکدارە توندڕەوەکان و سەربازانی تورکیا بەردەوامە.