هۆشداری لە باران و هەڵسانی لافاو دەدرێت

ژووری ئۆپراسیۆن و بەڕێوەبردنی قەیران و کارەسات لە هەرێمی کوردستان، رێژەی پێشبینیکراوی بارانی دوو رۆژی داهاتووی بڵاوکردەوە و هۆشداریش لە روودانی لافاو دەدات.
بەپێی راگەیەنراوێکی ژووری ئۆپراسیۆن و بەڕێوەبردنی قەیران و کارەسات لە هەرێم، لە ئێوارەی رۆژی شەممەوە شەپۆلێکی بارانبارینی بەلێزمە روو لە ناوچەکانی هەرێمی کوردستان دەکات و تاوەکو شەوی یەکشەممە بەردەوام دەبێت.
هاوکات ژووری ئۆپراسیۆن رێژەی پێشبینیکراوی باران و کاتەکەی لە پارێزگاکانی هەرێمی کوردستان بڵاوکردووەتەوە و بەپێی راگەیەنراوەکە زۆرترین رێژەی باران لە پارێزگای سلێمانی دەبێت کە 30 بۆ 40 ملم باران دەبێت.
پێشتریش شارەزایەکی کەشناسى رایگەیاندبوو چەقى شەپۆلى بارانەکە لە گەرمیان و سلێمانى و هەڵەبجەو کەرکوک و راپەرین دەبێت، ئێستا نمە باران لە خانەقین و گەرمیان و چەند ناوچەیەکی هەرێم دەستیپێکردووە.
هاوکات بەرگری شارستانی هەرێم بۆ خۆپاراستن لە رووداوە سرووشتییەکان، چەند رێنماییەکی بڵاوکردووەتەوە و داوا لە هاوڵاتییان دەکات پابەندبن، تاوەکو درووبن لە رووداوی نەخوازراو