بانکی ناوەندیی عیراق فرۆشتنی دۆلار زیاد دەکات

بانکی ناوەندیی عیراق بۆ یەکەمجار لەمساڵدا فرۆشتنی دۆلاری لە یەک رۆژدا لە رێگەی پلاتفۆڕمی ئەلیکترۆنییەوە گەیاندە نزیکەی 300 ملیۆن دۆلار.

ئەمڕۆ بانکی ناوەندیی عیراق، بڕی 297 ملیۆن و 949 هەزار دۆلاری فرۆشتووە، لەکۆی ئەو بڕەش، بانکی ناوەندیی عیراق 283 ملیۆن و 699 هەزار دۆلاری بە حەواڵە و 14 ملیۆن و 500 هەزار دۆلاریشی بە کاش فرۆشتووە.

لە 10 مانگی رابردوودا، ئەمە یەکەمجارە بانکی ناوەندیی عیراق، بەو رێژە زۆرە دۆلار لەرێگەی پلاتفۆڕمی ئەلیکترۆنییەوە بفرۆشێت بە 15 بانک و کۆمپانیا، کە هەر 100 دۆلارێک بە 132 هەزار دینارە.

ئەمە لەکاتێکدایە، بەهای دینار بەرامبەر دۆلار ناجێگیرە و 100 دۆلار بە 151 هەزار و 250 دینار مامەڵەی پێوەدەکرێت، واتا هەر 100 دۆلارێک 19 هەزار و 250 دینار جیاوازی هەیە.