ئه‌نجومه‌نی پارێزگا لۆگۆی پارێزگای كه‌ركوكی په‌سه‌ند نه‌كرد

 له‌كۆبوونه‌وه‌ی ئه‌مڕۆی ئه‌نجومه‌نی پارێزگای كه‌ركوكدا نه‌توانرا لۆگۆی پارێزگاكه‌ كه‌ یه‌كێك بوو له‌ ته‌وه‌ره‌كانی كۆبوونه‌وه‌كه‌ به‌هۆی نه‌بوونی زمانی سریانی له‌سه‌ر لۆگۆكه‌، ده‌نگی پێویستی به‌ده‌سنه‌هێناو بۆ دانیشتنی داهاتوو دواخرا. .

د.ئه‌حمه‌د فاتیح ئه‌ندامی ئه‌نجومه‌نی پارێزگای كه‌ركوك رایگه‌یاند:"ئه‌مڕ‌ۆ ١٢-١١-٢٠٢٤ ئه‌نجومه‌نی پارێزگای كه‌ركوك له‌سه‌ر سێ ته‌وه‌ر كۆبوه‌وه‌، كه‌له‌ ته‌وه‌ری یه‌كه‌م و دووه‌مدا میوانداری به‌ڕ‌ێوه‌به‌رانی گشتیی ته‌ندروستیی و په‌روه‌رده‌ی كه‌ركوك كرابوون، به‌مه‌به‌ستی چاره‌سه‌ركردنیان گفتوگۆ له‌سه‌ر ئه‌و كێشه‌ و گرفتانه‌ی كه‌ له‌و دوو كه‌رته‌دا هه‌ن".

به‌پێی زانیارییه‌كان له‌ ته‌وه‌ری سێهه‌مدا كه‌ بڕ‌یاربوو ئه‌نجومه‌نه‌كه‌ ده‌نگ له‌سه‌ر لۆگۆی پارێزگاكه‌ بدات، كه‌ مێژو و شارستانیی و كلتووری پارێزگاكه‌ به‌رجه‌سته‌ده‌كات، به‌ڵام به‌هۆی نه‌بوونی زمانی سریانی له‌سه‌ری، لۆگۆكه‌ په‌سه‌ند نه‌كراو بۆ كۆبونه‌وه‌ی داهاتوو دواخرا.