گروپی شانۆیی هەوار لەکەرکوک بە مۆنۆدرامای " سەلمە " بەشداری لە نۆیەمین فێستیڤاڵی نێودەوڵەتی شانۆی شرم الشیخ دەکەن لە وڵاتی میسر، فێستیڤاڵەکە ئەمڕۆ هەیینی سەعات ٧ی ئێوارە دەستپێدەکات و گروپی شانۆیی هەواریش وەک تاکە نوێنەری کوردستان بەشدارن.
بڕیارە مۆنۆدرامای "سەلمە " لەبەشی پێشبڕکێی شانۆی فەزای کراوە نمایش بکرێت و پێشبڕکێ لەگەڵ وڵاتانی دیکەی بەشداربووی فێستیڤاڵەکە بکات بۆ بەدەستهێنانی خەڵات.
مۆنۆدرامای (سەلمە)، باس لە تاوانەکانی ئەنفال و کیمیاباران و چەندین کارەساتی دیکە دەکات کە بەسەر گەلی کورددا هاتووە .
یەکەم نمایشی ئەم بەرهەمە شانۆییە، له ڕۆژی 2023/12/23، لە سەربازگەی تۆپزاوە، شوێنی زیندانیکردنی ئەنفالکراوان بووو دواتریش لە شارەکانی چەمچەماڵ و سلێمانی و هەڵەبجە و وڵاتانی تونس و ئوردن و تورکیا نمایشکراوە
Copyright © 2020 Kirkuk Tv All Rights Reserved Designed And Developed By AVESTA GROUP