رفعەت عەبدوڵا: یەكێتی خوازیاری دامەزراندنی حكومەتێكی خزمەتگوزارە

ئەمڕۆ شەممە 09/11/2024،  رفعەت عەبدوڵا ئەندامی مەكتەبی سیاسی و لێپرسراوی بازنەكانی سلێمانی، بەهاوڕێیەتی رێبوار ستار و رێبین تاڵیب، بازنەكانی ماوەت و چوارتای بەسەركردەوە.
لەو سەردانانەدا لەلایەن هەریەك لە حامید قادر و بورهان رەحیم لێپرسراوانی بازنەكانی ماوەت و چوارتا و هەڤاڵانی بازنەكانەوە بەگەرمی پێشوازیكران، دواتر لەدوو كۆبوونەوەی جیادا لەگەڵ هەردوو بازنەدا، دوای وەستانی چەند ساتێك ماتەمینی بۆ گیان پاكی شەهیدان، رفعەت عەبدوڵا رایگەیاند هاتووین دەستخۆشیتان لێبكەین و سوپاستان بكەین كەلەكاتی بانگەشەی هەڵبژاردندا لەبازنەكاندا رۆڵی دیار و بەرچاوتان هەبووە و توانیوتانە بەباشی پەیام و بەرنامەی یەكێتی بەباشی بگەیەننە هەموو ماڵەكان، بۆیە هەوڵ و ماندوبوونتان بەرزدەنرخێنین و یەكێتی بەگرنگییەوە لەكارەكانتان دەڕوانێت.
لەبەشێكی تری كۆبوونەوەكاندا باس لەو هەماهەنگی و پێكەوەیی و یەكڕیزی نێوان ئۆرگاكانەكانی یەكێتی كرد كەشێوازێكی نوێی كاركردنە و بەهەنگاوێكی نوێ بۆ باشتر بەڕێوەبردنی كاروبارەكان وەسفیكرد.
لەبەشێكی تری كۆبوونەوەكاندا لێپرسراوی بازنەكانی سلێمانی تەئكیدی لەهەڵوێستەكانی یەكێتی لەبارەی كۆی پرسەكانەوە كردەوە و رایگەیاند یەكێتی سوورە لەسەر ئەوەی حكومەتی داهاتوو حكومەتێكی خزمەتگوزار بێت بۆ خەڵك، دەبێت تەواوی جوگەكان حكومەت بۆ خزمەتی خەڵك تەرخانبكرێن، ئاماژەی بەوەشدا ئێستا یەكێتی بەسەرۆكایەتی سەرۆك بافڵ جەلال تاڵەبانی، یەكێتی هەموو خەڵكە و داكۆكیكاری مافی خەڵكە، سەبارەت بەمووچەی فەرمانبەرانی هەرێم رفعەت عەبدوڵا رایگەیاند یەكێتی  هەموو هەوڵێك دەدات لەرێگەی نوێنەرەكانییەوە لەبەغدا تاوەكو تەوتینی مووچەی فەرمانبەران بكات، چونكە زامنی مووچەی فەرمانبەران دەكات،  راشیگەیاند یەكێتی لەمەودا سیستمی پاداشت و سزا جێبەجێ دەكات و كەسی شیاو بۆ شوێنی شیاو دیاری دەكات، تەئكیدیشیكردەوە ئەم بڕیارە تەواوی جومگەكانی حكومەت و حزب دەگرێتەوە.
لەكۆتایی هەردوو كۆبوونەوەكەدا لێپرسراوی بازنەكانی سلێمانی وەڵامی پرسیار و داوا و پێشنیارەكانی هەڤاڵانی دایەوە، هەروەها لەسنووری بازنەی چوارتا رێزلێنانی بەخشرایە هەڤاڵانەی تیمەكانی بانگەشەی هەڵبژاردن لەچوارتا.