وەزارەتی کۆچ و کۆچبەرانی عێراق ڕایدەگەیەیەنێت: ئەمساڵ نزیکەی 10 هەزار ئاوارە لە هەرێمی کوردستانەوە گەڕاونەتەوە قەزای شه‌نگال.
عەلی عەباس، وتەبێژی وەزارەتی کۆچ و کۆچبەرانی عێراق راگەیاند: لە سەرەتای ئەم ساڵەوە نزیکەی 10 هەزار ئاوارەی کوردی ئێزدی لە کەمپەکانی هەرێمی کوردستانەوە گەڕاونەتەوە زێدی خۆیان لە سنووری شه‌نگال.
وتیشی: هەر خێزانێک بگه‌ڕێته‌وه بڕی چوار ملیۆن دیناری پێدەدرێت، لەگەڵ دابینکردنی هەندێک کەرەستە، و کەلوپەل و پێداویستی سەرەکیی نێوماڵ.
وتەبێژی وەزارەتی کۆچ و کۆچبەران روونشیكرده‌وه:" نزیکەی 20 هەزار خێزانی ئاوارە لە کەمپەکانی هەرێمی کوردستاندا ماون کە زۆربەیان خەڵکی شه‌نگالن؛ 17 هەزاریان لە کەمپەکانی دهۆک و نزیکەی 3 هەزارش لە کەمپەکانی هەولێرن.
لە پارێزگای هەولێر و دهۆک 22 کەمپ ماون کە 18یان لە دهۆک و چوارەکەی دیکەش لە هەولێرن، دوایین کاروانی گەڕانەوەی ئاوارەکانیش رۆژی 6ی تشرینی دووەم بوو، کاتێک 326 ئاوارە لە کەمپی مام رەشان لە پارێزگای دهۆکەوە گەڕانەوە زێدی خۆیان لە قەزای شه‌نگال.
لە بەرامبەردا لە پارێزگای سلێمانی سەرجەم کەمپی ئاوارەکان لەو پارێزگایەدا داخراون و گەڕێندراوەنەتەوە زێدی ڕەسەنی خۆیان.
Copyright © 2020 Kirkuk Tv All Rights Reserved Designed And Developed By AVESTA GROUP