شەپۆلێکی سەرما عیراق و هەرێم دەگرێتەوە کە لە 14 ساڵی رابردوودا وێنەی نەبووە

بەڕێوەبەری راگەیاندنی دەستەی کەشناسیی عیراق رایدەگەیەنێت، لە رۆژانی داهاتوودا شەپۆلێکی سەرما عێراق دەگرێتەوەو کەشوهەوا بەجۆرێک سارد دەبێت لە 14 ساڵی رابردوودا وێنەی نەبووە.
عامر جابری ئاماژەی بەوەشداوە، شەپۆلەکە بەشێوەیەکی چڕ عێراق دەگرێتەوە و پێشبینیش دەکەن لەرۆژانی داهاتوودا هەرێمی کوردستانیش بگرێتەوە.
ئەمە لەکاتێکدایە، لە تورکیا و باکوری کوردستانیش، لەچەندین ناوچەی جیاوازدا بەفر باریووە و بەهۆی زۆری رێژەکەیەوە، لە چەند ناوچەیەک دەوامی خوێندن راگیراون.
لەلایەکی دیکەوە، لەراگەیەندراوێکی بەڕێوەبەرایەتیی کەشناسی و بومەلەرزەزانیی هەرێمدا هاتووە، ئەمڕۆ ئاسمان هەوری تەواو لەگەڵ نمەباران دەبێت و لە ناوچە سنوورییەکانیش باران دەبێت.