کۆبونەوەی تیمی نیشتیمانی تایبەت بەسەروەری یاسا و چەسپاندنی دادپەروەری لە عیراق و هەرێمی کوردستان بەرێوەچوو‎

بەسەرپەرشتی بریکاری وەزارەتی داد کۆبونەوەی تیمی نیشتیمانی تایبەتی بەسەروەری یاسا و چەسپاندنی دادپەروەری لە عیراق و هەرێمی کوردستان بەرێوەچوو‎

‎ نیوەرۆی ئەمرۆ لە دیوانی وەزارەتی دادی حکومەتی هەرێمی کوردستان، شیلان عآرف بریکاری وەزارەتی داد، سەرپەرشتی کۆبوونەوەیەکی (تیمی نیشتیمانی هەرێمی کوردستانی تایبەت بە ئامادەکردن و جێبەجێکردنی ستراتیژیەتی نیشتیمانی پتەوکردنی سەروەری یاسا)ی کرد، کە بە بڕیاری ئەنجومەنی وەزیرانی حکومەتی عیراق دیاریکراوە وابریارە لە رۆژی دووشەمە بەرواری ٢ی ١٢ لە بەغداد لە وەزارەتی دادی عیراق بەرێوەبچێت .

حکومەتی هەرێمی کوردستان لە رێگەی تیمێکەوە بەسەرپەرشتی بریکاری وەزارەتی دادی حکومەتی هەرێم کە هاوکات سەرۆکی تیمی هەرێمی کوردستانە و نوێنەرانی هەریەك لە سەرۆکایەتی ئەنجومەنی وەزیران و ئەنجومەنی دادوەری هەرێمی کوردستان و وەزارەتەکانی ( ناوخۆ، پلاندانان، پێشمەرگە، ئەنجومەنی ئاسایشی هەرێمی کوردستان و  و وەزارەتی خوێنندی باڵاو توێژینەوەی زانستی و دەستەی دەستپاکی و رێکخراوی لێکۆڵەر بۆ پاڵپشتی سەروەری یاساو دیموکراسی ) کە ئەندامن تیدا ئامادە دەبن .

‎ لەدانیشتنەکەدا بریکاری وەزارەتی داد لە وتەیەکدا دووپاتی لەوە کردەوە، دانانی هەر پرۆژە و ستراتیژێک دەبێت لە چوارچێوەی دەستوورو بەرژەوەندییە بالاکانی هەرێمی کوردستانی عێراقدا بێت، و دەبێت تیمەکە لە بەغدا ئاستێکی بەرزی کاری هاوبەش و یەک قسەیی و یەک ئیرادەیی نیشان بدەن.