وەفدێکی وەزارەتی سامانە سرووشتیەکانى حکومەتى هەرێمى کوردستان و لیژنەی نەوت و وزە لە ئەنجومەنى نوێنەرانى عیراق، لەگەڵ وەفدێکی وەزارەتی نەوتی عیراق کۆبوونەوە.
لەکۆبونەوەکەدا وەزارەتی نەوتی عیراق ڕەزامەندی لەسەر ناردنی بڕی 50 ملیۆن لیتر نەوتی سپی بۆ هەرێمی کوردستان دا، کە لە ئایندەیەکی نزیکدا کاروانی ناردنی نەوت بۆ هەرێمی کوردستان دەستپێدەکات.
هەرێمی کوردستان پشکی لە بەرهەمی نەوت و وزەی عیراق هەیە، بەگوێرەی ڕێککەوتنی نێوان وەزارەتی سامانە سروشتییەکانى حکومەتى هەرێمى کوردستان و وەزارەتی نەوتی عیراق، دەبێت حکومەتی فیدراڵی هاوشێوەی پارێزگاکانی عیراق نەوتی سپی بۆ هەرێمی کوردستان بنێرێت، کە ئەمساڵ هیچ بڕێکی نەناردووە.
هەروەها لە کۆبوونەوەی ئەمڕۆ لێکتێگەیشتن هەبووە بۆ دەستپێکردنەوەی ناردنی بەنزینی حکومی بۆ هەرێمی کوردستان لەلایەن حکومەتی فیدڕاڵییەوە، کە لە مانگی 11ـی 2023 ـەوە ڕاگیراوە.
Copyright © 2020 Kirkuk Tv All Rights Reserved Designed And Developed By AVESTA GROUP