ریاڵ مەدرید دژى var سکاڵاى یاسایی دەکات

ریاڵ مەدرید دژى var   سکاڵاى یاسایی دەکات


ڕاپۆرتێکی ڕۆژنامەوانی ئیسپانیا بڵاویکردەوە، ئیدارەی یانەی ڕیال مەدرید بیر لەوە دەکاتەوە سکاڵای رەسمى لەسەر ئەو ناوبژیوانە تۆمار بکات کە یارییەکەی تیپەکەی ڕایۆ ڤایکانۆى بەرێوەبردوە، کە بە یەکسانبوونێکی ئەرێنی (3-3) کۆتایی هات .
بەگوێرەی ڕۆژنامەی " مارکا "ی ئیسپانی، یانەی ڕیال مەدرید بیر لەوە دەکاتەوە سکاڵایەکی یاسایی پێشکەش بە فیدراسیۆنی تۆپی پێی ئیسپانیا و لیژنەی تەکنیکی ناوبژیوانان بکات.
ڕیال مەدرید پێی وایە بە ئەنقەست پڕۆتۆکۆڵی تەکنەلۆجیای ڤیدیۆیی (VAR) جێبەجێ نەکرا، چونکە ناوبژیوان مارتینێز مونوێرا خۆی نەچووە پێداچوونەوە بەو لێدانە مشتومڕاوییەدا بکات کاتێک فینیسۆس جۆنێۆر لە ناوچەى سزا کەوت و داوای لێدانى پیناڵتى کرد .
جگە لەوەش ژووری تەکنەلۆجیای ڤیدیۆیی (کە گۆنزالێز فوێرتێس سەرۆکایەتی دەکات) کاتێکی پێویستی نەدا بۆ ئاگادارکردنەوەی داوەرى یارییەکە کە چی ڕوویداوە و لە ووردەکارییەکان ئاگادارى نەکردۆتەوە .