لێکۆڵینەوە لە مردنی مارادۆنا دەستپێدەکات و حەوت تۆمەتبار بە کوشتنی تۆمەتبارکراون

وەرزش
14:31 - 2025-03-11

لێکۆڵینەوە لە مردنی مارادۆنا دەستپێدەکات و حەوت تۆمەتبار بە کوشتنی تۆمەتبارکراون
ئاكۆ بیبانى

4 ساڵە دیگۆ ئارماندۆ مارادۆنای ئەفسانەى تۆپى پێى جیهان و ئەرژەنتین کۆچى دوایی کردوە ، هێشتا لیژنەکانى لێکۆڵینەوە بە دوای چۆنیەتى مردنەکەى ئەو ئەفسانە دیارى تۆپى پێوەن و بە ئاسانى باز بە سەر ئەو مردنە نادەن ، لە ئێستادا دادگاییکردنی حەوت پیشەگەری تەندروستی لە ئەرجەنتین دەستپێکردوە بۆ دیاریکردنی بەرپرسیارێتیەکانیان لە مردنی ئەفسانەکەی تۆپی پێ.
دوای چەندین دواخستن یەکەم دانیشتنی دادگا لە شارۆچکەى سان ئیسیدرۆ لە باکورى بوینس ئایرێس بەرێوەچوو ، تیایدا 7 کەس لە تیمى پزیشکى و چاودێرى لەو نەخۆشخانەی کە مارادۆنا تیایدا کۆچى دوایی کرد لێکۆڵینەوەیان لەگەڵدا ئەنجامدرا کە کەمتەرخەم بوونە لە مردنەکەى مارادۆنا .
 ئێستا ئەو تیمە تۆمەتبارن بە کوشتنى سادە ، بەو پێیەى زانیویانە کارەکانیان دەبێتە هۆى مردنى نەخۆشەکە و بەردەوام بوونە .
تۆمەتباران مەترسی زیندانیکردنیان هەیە  لە نێوان هەشت بۆ ٢٥ ساڵ، بە ئاژانسی فرانس پرێس ڕاگەیاندووە، نزیکەی 120 شایەتحاڵ لە کاتی دادگاییکردنەکەدا ئیفادە دەدەن ، لەنێویاندا ئەندامانی خێزان و پسپۆڕان و پزیشکانی مارادۆنا لە ماوەی ساڵانی ڕابردوودا.
ئەفسانە ئەرژەنتینیەکە  لە ٢٥ی تشرینی دووەمی ٢٠٢٠ لە تەمەنی ٦٠ ساڵیدا کۆچی دوایی کرد بەهۆی کێشەى دڵ و هەناسەدانەوە!   لە کاتێکدا لە ماڵەوە لە شوێنی نیشتەجێبوونی تایبەتی خۆی لە شاری تیگرێ لە باکووری بوینس ئایرێس خەوێندرابوو، دوای ئەوەی نەشتەرگەری سەری بۆ کرا بەهۆی نەخۆشی هیماتۆما بەپێی پشکنینی جەستەی ، پاڵەوانەکەى مۆندیالی  1986 بەهۆی "ئاوسانی توندی سییەکانی لاوەکی و سستبوونی درێژخایەنی دڵەوە گیانی لەدەستداوە .
 مارادۆنا تووشی چەندین نەخۆشی بووە: کێشەی گورچیلە، کێشەی جگەر، سستبوونی دڵ، تێکچوونی دەمارەکان و پشتبەستن بە کحول و دەرمانی دەروونی.
داواکاری گشتی ئاماژەى بۆ ئەوەشکردوە مارادۆنا   لە دۆخێکی بێدەسەڵاتیدا بووە و  بۆ چارەنووسی جێهێڵراوە , بەبێ ئەوەی گرنگی  جددی بە دۆخەکەی بدرێت.
زنجیرەیەک ڕەفتاری پەیوەندیدار لە ڕووی تاوانکارییەوە هەیە کە مارادۆنای گەیاندە مردنی خەمناک" ڕاپۆرتێکی پزیشکی ناوەڕاستی ساڵی ٢٠٢١ ئاماژەی بەوە کردووە کە چارەسەری مارادۆنا "ناتەواو و ناستاندارد و بێباکانە" بووە.
خێزانی مارادۆنا سەرنجیان لەسەر تۆمارە دەنگییەکان و پەیامە نووسراوەکانە کە لە سەرەتای لێکۆڵینەوەکەدا دزەیان پێکرابوو، بەپێی ئەو پەیامانە  ڕوون بوو کە ئەوان (تیمی پزیشکی) دەیانزانی ئەگەر دیێگۆ بەم شێوەیە بەردەوام بێت، ئەوا دەمرێت.
لیۆپۆڵدۆ لوسیانۆ لوکێ پزیشکی نەشتەرگەری دەمارەکان و  ئاگوستینا کۆساچۆڤ پزیشکی دەروونی و  کارلۆس ئەنجێل دیاز دەروونناس و  نانسی فۆرلینی پزیشکی هەماهەنگکار  و ماریانۆ پێرۆنی ڕێکخەری پەرستاری و  پێدرۆ پابلۆ دی سپاگنا پزیشکی کلینیکی و پەرستار ڕیکاردۆ عومەر ئەلمیرۆن ڕووبەڕووی دادگا بوونەوە . پێنج منداڵەکەی مارادۆنا و خوشکەکانی سکاڵاکارن لەم دۆسیەیەدا.

بابەتی لێکچو

Copyright © 2020 Kirkuk Tv All Rights Reserved Designed And Developed By AVESTA GROUP