رۆناڵدۆى دیاردە ڤالادوەلید دەفرۆشێت

رۆناڵدۆ نازاریۆ دالیماى بەرازیلى و سەرۆکى ئێستاى یانەى ڤالادوەلیدى ئیسپانى هەنگاوەکانى خێراتر دەکات بۆ فرۆشنى یانە ئیسپانییەکە و دەیەوێت پشتیوانییەکانى فراوانتربکات لە پێناو گەیشتن بە پۆستى سەرۆکى یەکێتى تۆپى پێى بەرازیل .
دوای ئەوەى بەشێوەیەکى رەسمى رۆناڵدۆى دیاردە خۆی پاڵاوت لە پێناو ئەوەى پۆستى یەکێى تۆپى پێى بەرازیل وەربگرێت ، ئێستا بەتەواوى سەرقاڵەو دەیەوێت بازنەى پشتیوانییەکانى فراوانتربکات ، بۆ ئەوە مەبەستەش ئامادەکارى کردوەو دەیەوێت بەزوترین کات پشکەکانى لە یانەى ڤالاوەلید بفرۆشێت ، رۆناڵدۆى دیارە دەڵێت : لە پێناو گەڕانەوەى شکۆى تۆپى پێى سامبا دێمە کێبرکێکەوە دڵنیام متمانەى زۆرینە بەدەستدەهێنم و ئامادەم پرۆژەو پلانەکانم بۆ یەک بەیەکیان ڕوون بکەمەوە .