ئادیمۆلا لوکمان وەک باشترین یاریزانى ئەفریقا دیاریکرا

ئادیمۆلا لوکمان وەک باشترین یاریزانى ئەفریقا دیاریکرا

ئادیمۆلا لوکمان، ناوێکى دیار ، هێرشبەرێکى سامناک ، خاوەن جوڵەى سەرنج راکێش ، خاوەن کەسایەتیەکى گەورە لە یاریگادا ، رۆژ بە رۆژ  ئەستێرەى بەختى لە ئاسمانى تۆپى پێى کیشوەرەکەى و جیهاندا دەدرەوشێتەوە ، هەموان ئارەزوو دەکەن لوکمان درێسى یانەکانیان بپۆشێت.
 لە ئەتڵەنتا ئەسپى خۆى تاوداوە ـ هێزى خۆى نیشانداوە ، جەنگاوەرو قەناسێکى کاریگەرەو بۆتە سەریەشە بۆیانەکانى ئەوروپا و ئیتاڵیا .
لەپاى ئەو ئاستە بەرزەى کە لوکمان لەگەڵ هەڵبژاردەى نەیجیریا و یانەى ئەتەڵەنتا پێشکەشى دەکات ، بۆ جاری یەکەم مێژووى نوسییەوە و لە کیشوەرى ئەفریقا دای لەشەقەى باڵ و پێش هەموو ڕکابەرەکانى کەوت و لە لایەن یەکێتى تۆپى پێى ئەفریقا وەک ( سەردارو گەورە)ى یاریزانانى تەواوى کیشوەرەکە دیاریکرا و خەڵاتى باشترین یاریزانى ئەفریقاى بۆ ساڵى 2024 پێ بەخشرا .
سیمۆن ئەدینگرای ئیڤواری و  ئەستێرەی یانەى برایتۆنی ئینگلیزی  و  سێرهۆ گێراسی گینیایی و  هێرشبەری بۆروسیا دۆرتمۆندی ئەڵمانی  و ئەشرەف حەکیمی مەغریبی  فولباکی پاریس سان جێرمان و هەروەها ڕۆنوێن ویلیامزی ئەفریقای باشوور رکابەرى لوکمانیان دەکرد لەپێناو نازناوەکە ، دواجار یاریزانەکەى یانەى ئەتەڵەنتا بە شایستەیی وەک باشترین یاریزانى کیشوەرى ئەفریقا دیاریکرا .
لوکمان وەرزی ڕابردوو لەگەڵ یانەی ئەتالانتا نازناوی خولی ئەوروپای بەدەستهێنا و لە یاری کۆتایی پاڵەوانێتییەکەدا هاتریکی تۆمارکرد، کاتێک یانە ئیتاڵییەکە  بە ئەنجامی 3-0 لە بایەر لیڤەرکوزنی ئەڵمانی بردەوە.
ئادیمۆلا لوکمان تەمەنى 27 ساڵە و باڵاى ١٧٤ سانتیمە و کێشى 71 کیلۆیە و بە پێى چەپ یارى دەکات .