یانەی ئەھلی دەیەوێت تێنھاگ بکاتە مەشقپێدەری تیپەکەی

دەنگووباسی گواستنەوەی یاریزانان و ڕاھێنەران لە شانشینی عەرەبی سعوودیە سەرباسی ھەواڵەکانە و لەنوێترین ھەوڵیشدا , یانەی ئەھلی سعوودی ئامانجێکی نوێی بەرپا کردووە و دەیەوێت ئێریک تێنھاگی ھۆڵەندی و ڕاھێنەری پێشووی یانەی مانچێستەر یونایتدی ئینگلیزی بکاتە مەشقپێدەری تیپەکەی و لەشوێنی ماتياس يايسلەی ئەڵمانی و ڕاھێنەری ئێستای یانەکەی جێگیری بکات بەھۆی ناڕەزایی سەرۆکی یانەی ئەھلی لەماتیاسی ڕاھێنەر , لەو بارەیەوە پێگەی سعوودیە ریازیە بڵاویکردۆتەوە : تێنھاگی ھۆڵەندی لە ئێستادا راھێنەرێکی ئازاد و بێ یانەیە  ئەگەریش ھەیە ڕووبکاتە خولی سعوودی و یانەی ئەھلیش نزیکترین ئەگەرە بۆ ئێریک , بەھۆی دەستپێشخەری پێشەکی تیپەکە بۆ گواستنەوەی ناوبراو و پێشکەشکردنی ئەو بڕە زۆرەی لەبۆندەکەدا خەرج دەکرێت کە بریتیە لە گوژمەی 30 ملیۆن یۆرۆ