سێرجیۆ رامۆس بۆندی پێشکەشکراوی یانەی بۆکاجۆنیۆرزی ئەرژەنتینی رەتکردەوە

دوای ئەوەی لەماوەی رابردوودا یانەی بۆکاجۆنیۆرزی ئەرژەنتینی بۆندێکی رەسمی پێشکەشی سێرجیۆ رامۆس کرد و خواستی گواستنەوەی بەرگریکارە ئیسپانیەکەی هەبوو , ئەمرۆ رامۆسی ئەستێرە وڵامی بۆندەکەی بۆکاجۆنیۆرزی دایەوە و بەهەموو شێوەیەک پەیوەندیکردنی بە خولی ئەرژەنتینی و یانەی بۆکا رەتکردەوە ,, لە پشتراستکردنەوەی هەوألەکەدا پێگەی ئارگێنتینا پۆرتاڵی سەرچاوەی رەسمی دەنگوباسی وەرزشی وڵاتی ئەرژەنتین ئاماژەی بەوەکردووە , سەرکردایەتی یانەی بۆکاجۆنیۆرز ئامانجیان ئەوەبووە لە رێگای هاوڕێیەتی نێوان سێرجیۆ رامۆس و فێرناندۆ گاگۆی راهێنەری پێشووی بۆکاجۆنیۆرز , بەرگریکارە ئیسپانیەکە رازی بکەن تاکوو پەیوەندی بە خولی ئەرژەنتینیەوە بکات بەڵام رامۆس ئۆفەرەکەی بەیەکجاری رەتکردۆتەوە , سێرجیۆ رامۆسی ئیسپانی لە ئێستادا تەمەنی 38 ساڵە و پاش هەڵوەشاندنەوەی بۆندەکەی لەگەڵ یانەی سیڤییا لەماوەی وەرزی پێشوو , تاکوو ئێستا یاریزانێکی ئازاد و بێ یانەیە و بەشوێن تیپێکی گونجاودا دەگەڕێت تاکوو پەیوەندی پێوە بکات