هادی عامری سه‌رۆكی رێكخراوی به‌در، بەتوندی لەسەر هێرشەکانی تورکیا بۆسەر هەرێم هاتە دەنگ و داواده‌كات حکومەتی عێراق سنورێک بۆ ئەو دەستدرێژییانەی سوپای توركیا دابنێت کە بووه‌ته هەڕەشەیەکی راستەوخۆ و رۆژانە بۆسەر گیان و ماڵی هاوڵاتیانی عێراقی.
سه‌رۆكی رێكخراوی به‌در له‌په‌یامێكیدا كه ئه‌مڕۆ 21 كانونی یه‌كه‌می 2024 بڵاویكردۆته‌وه، به توندی ئیدانه‌ی هێرشه‌كانی توركیا دژی پیرۆزیی خاك و ئاسمانی عێراق ئه‌نجامیان ده‌دات، كه ئه‌مڕۆ به هێرشی ئاسمانی گه‌یشته لوتكه و چه‌ندین ناوچه و گوندی كردووه‌ته ئامانج.
ده‌شلێت:" ئه‌و هێرشانه پێشێلكارییه‌كی قبوڵنه‌كراو و ناڕه‌وایه بۆسه‌ر سه‌روه‌ری عێراق ئه‌گه‌ر له‌ژێر هه‌ر بیانویه‌ك و پاساواوێكدا بێت".
داواش له حكومه‌تی عێراق ده‌كات به خێرایی هه‌نگاو بنێت و هه‌مو ئه‌و ڕێوشوێنانه بگرێته‌به‌ر كه كۆتایی به‌مجۆره هێرشانه ده‌هێنێت، كه بونه‌ته هه‌ڕه‌شه‌یه‌كی ڕاسته‌وخۆی رۆژانه بۆ سه‌ر ژیان و سه‌روه‌ت و سامانی عێراقییه‌كان.
Copyright © 2020 Kirkuk Tv All Rights Reserved Designed And Developed By AVESTA GROUP