وەزارەتی كۆچ و كۆچبەرانی عیراق رایدەگەیەنێت 187 ئاوارەی دیكە لە كەمپی دیبەگە لە هەولێر گەرانەوە بۆ زێدی خۆیان و لە چەندرۆژی رابردووشدا لە هەمان كامپ 111 ئاواردەی دیكە گەرانەوە بۆ زێدی خۆیان.
بەگوێرەی راگەیاندراویكی رۆژنامەوانی وەزارەتەكە، لە كامپی دیبەگەوە 187 ئاوارە گەڕاونەته‌وە بۆ سنووری نەینەوا كه دواتر لە مەخمور، گه‌یارە، شەنگال، تەل ریم، شیالەو حەی قودس و خەندەق كەبیر نیشەجێ دەكرینەوە و تەواوی هاوكاری و پێداویستی سەرەتاییان پێشكەش دەكرێت.
وەزارەتی كۆچ و كۆچبەرانی عیراق بۆ هاوكاریكردنی هەر خێزانێك كە دەگەڕێنەوە بڕی 4 ملیۆن دیناری بەچەكی بانكی پێدەدرێت و پارچەیەك زەوی پێ دەدرێت و هەلی كاریشی بۆ دەدۆزرێتەوە.
رۆژی هەینی رابردوو 111 ئاوارەیی دیكە لە كامپی دیبەگەوە گەرانەوە بۆ سنووری نەینەوا و بڕی 444 ملیۆن دیناریان بۆ خەرجدەكرێت.
Copyright © 2020 Kirkuk Tv All Rights Reserved Designed And Developed By AVESTA GROUP