فەرماندەی هێزەکانی سووریای دیموکرات رایگەیاند، پێشوازی لە راگەیەندراوی کۆتایی لوتکەی عەقەبە لەبارەی سووریا دەکەین و جەخت لە گرنگیی راگرتنی پرۆسە سەربازییەکان دەکەینەوە.
مەزڵوم کۆبانێ فەرماندەی 'هەسەدە' لە بڵاوکراوەیەکی تۆڕە کۆمەڵایەتییەکان نووسیویەتی، پێشوازی لە راگەیەندراوی کۆتایی لوتکەی عەقەبە دەکەن لەبارەی سوریاو هانی رۆڵی عەرەبی دەدەن لە گەیاندنی سووریا بە کەناری ئارامی.
مەزڵوم کۆبانێ ئاماژەی بەوەشکردووە، جەخت لە گرنگیی ڕاگرتنی پرۆسە سەربازییەکان لە تەواوی خاکی سووریا دەکەینەوە، ئەویش وەکو هەنگاوێکی سەرەکی بۆ دەستپێکردنی گفتوگۆیەک کە ببێتە رێگەخۆشکەر بۆ بنیادنانی خاکی سوریا."
ئەوەشیخستووەتەڕوو، سەقامگیریی سوریا بە بەشداریی هەموو لایەنەکان و گرەنتیی یەکپارچەیی خاکەکەی دەستپێدەکات و ئەوەش رێگەخۆشکەر دەبێت بۆ ئاشتیی بەردەوام.
Copyright © 2020 Kirkuk Tv All Rights Reserved Designed And Developed By AVESTA GROUP