كۆمسیۆنی باڵای سەربەخۆی هەڵبژاردنەكانی عیراق ئاماری نوێی هەفتەیەكی تەواوكردنی تۆماری بایۆمەتری دەنگدانی ئاشكراكرد، كە زیاتر له 18 هەزار كەس تۆماركراون و لەو ژمارەیەش تەنها 1290 كەسیان لە هەرێمی كوردستان بوون.
بە گوێرەی ئەو ئامارە كە كۆمسیۆن بڵاویکردۆتەوە، لەسەر ئاستی هەرێم 482 تۆماری بایۆمەتری لەسلێمانی و 471 تۆماری بایۆمەتری لەهەولێر و 337 تۆمار لەدهۆك بووەو لەسەر ئاستی عیراقیش زۆرترین كەس لەرەسافەی بەغدا تۆماری بایۆمەترییان بۆ كراوە كەژمارەیان 3043 كەسە.
ئەمەش لەكاتێكدایە بەبڕیاری كۆمسیۆن پێش هەڵبژاردنی پەرلەمانی كوردستان كە رۆژی 20-10-2024 ئەنجامدرا، تۆماركردن و وەرگرتنەوەی كارتی بایۆمەتری دەنگدان راگیرا، دواتر كۆمسیۆنی باڵای سەربەخۆی هەڵبژاردنەكانی عیراق رۆژی 3-12-2024 بڕیاریدا تۆماركردن و دابەشكردنی كارتی بایۆمەتری دەنگدان لەپارێزگاكانی هەرێمی كوردستان دەستپێبكاتەوە.
Copyright © 2020 Kirkuk Tv All Rights Reserved Designed And Developed By AVESTA GROUP