دوای زیاتر له 20 رۆژ بایكۆت بەرێوەبەرایەتی ھاتوچۆی سلێمانی ڕایگەیاند، سبەینێ لە بەرێوەبەرایەتییه‌كه بە سەرجەم بەرێوەبەرێتی و بەش و ھۆبەکانییەوە دەوام ئاسایی دەبێت.
بەرێوەبەرایەتی ھاتوچۆی سلێمانی، دوانیوه‌ڕۆی ئه‌مڕۆ ڕاگەیەندراوەێكی بڵاوكردەوەو سەرجەم ھاووڵاتییانی ئاگاداركرده‌وه، کە سبەینێ رۆژی یەکشەممە 23ی كانونی یه‌كه‌می 2024 لە بەرێوەبەرایەتی ھاتوچۆی سلێمانی بە سەرجەم بەرێوەبەرێتی و بەش و ھۆبەکانییەوە دەوام ئاسایی دەبێت.
ئاماژەی بۆئەوەشكردووه: "سەرجەم مامەڵەی ھاووڵاتییان ڕایی دەکرێت و ھەر ھاوڵاتیێک ھەرجۆرە کار و مامەڵەیەکی ھەبێت لەھەر جێگایەکی بەرێوەبەرایەتییه‌كه‌یان کارەکانی بۆ جێبەجێ دەکرێت".
بڕیاره‌كه‌ی هاتوچۆی سلێمانی لەكاتێكدایە، كارمەندان و ئەفسەرانی بەهۆی دواكەوتنی موچەكانیانەوە، لە ڕۆژی 8ی ئەم مانگەوە بایكۆتیان لە كارەكانیان ڕاگەیاندو رایانگه‌یاند: "تا موچەیان پێنەدرێت ناگەڕێنەوە سەر كارەكانیان".
Copyright © 2020 Kirkuk Tv All Rights Reserved Designed And Developed By AVESTA GROUP