شەڕڤانانی هەسەدە لە پێشڕەویدان بۆ ڕزگارکردنەوەی سەرێکانی ‌و گرێسپی

شه‌وی ڕابردوو جیـــا لەقۆڵی مەنبه‌ج، هێزەکانی هەسەدە لەدوو قۆڵی دیکەشەوە هێرشیان بۆ ئازادکردنەوەی سەرێکانی ‌و گرێسپی دەستپێکردووە.
بەپێی زانیاریی میدیاکانی ڕۆژئاوای کوردستان، هێرشەکە لەقۆڵی باشووری ڕۆهەڵاتی سەرێکانی لەناوچەی تەلتەمرەوە دەستیپێکردووەو هێزەکانی هەسەدە توانیویانە چەند گوندێکی تەلـتـەمر ئازادبکەن.
لەبەشی باشوری ڕۆژئاواشەوە هێزەکانی هەسەدە لەعەین عیساوە دەستیان بەهێرشەکانیان کردووەو بەرەو گرێسپی لەپێشڕەویدان".
لەئێستاشدا هێزێکی گەورەی کۆماندۆی هەسەدە لەقامیشلــۆوە بەمەبەستی پشتیوانیکردن بەڕێکەوتوون بۆ بەرەی جەنگی ڕزگارکردنەوەی سەرێکانی.
دوای پێنج ساڵ لەداگیرکاریی، هەسەدە بڕیاریداوە ناوچەکانی سەرێکانی ‌و گرێسپی ڕزگاربکاتەوە.
ئەمەش لەکاتێکدایە، ڕۆژی ٩ی تشرینی یەکەمی ٢٠١٩ سوپای تورکیا و گروپی چەکداریی (سوپای نیشتیمانی) ئۆپراسیۆنێکی سەربازییان بۆ سەر ڕۆژئاوای کوردستان دەستپێکردو هەردوو شاری سەرێکانی و گرێ سپییان داگیرکرد.