مەكتەبی سیاسیی: پیرۆزبایی لەخوشك ‌و برا مەسیحییەكانی هەرێمی كوردستان و عیراق دەكەین

مەكتەبی سیاسیی یەكێتیی نیشتمانیی كوردستان لە پەیامێکدا پیرۆزبایى یادی لەدایكبوونی حەزرەتی مەسیح لە خوشك ‌و برا مەسیحییەكانی هەرێمی كوردستان و عیراق دەكات

دەقى پەیامەکە .....

بەبۆنەی یادی لەدایكبوونی حەزرەتی مەسیح(سڵاوی خوای لێ بێت)، گەرمترین پیرۆزبایی لەخوشك ‌و برا مەسیحییەكانی هەرێمی كوردستان و عیراق دەكەین ، ئەم یادە پیرۆزە بە خۆشی و شادی بەسەربەرن .


مەسیحییەكان پێكهاتەیەكی دێرینی ئەم خاك و نیشتمانەن، بە درێژایی میژوو لەگەڵ موسڵمانان و ئاینەكانی تر  بەئاشتی و ئارامی ژیاون، هەر لەم سۆنگەوە یەكێتیی نیشتمانیی كوردستان هەمیشە تەئكید لە قوڵكردنەوەی گیانی پێكەوەژیان و  پاراستنی ماف و دەستەبەركردنی ئازادی و ئارامی بۆ مەسیحیەكان و تەواوی پێكهاتەكانی هەرێمی كوردستان دەكاتەوە .
جارێكی تر پیرۆزە.



مەكتەبی سیاسیی
یەكێتیی نیشتمانیی كوردستان