عیراق سنووری لەگەڵ سوریا بە داخراوی هێشتووەتەوە

دوای ئەوەی بەشێوەیەکی سنووردار دەروازەی نێودەوڵەتیی قائیم کرایەوە، جارێکی دیکە دەروازەکە بەڕووی هاتوچۆی گەشتیاری و بازرگانی داخرایەوە.
دەروازەی نێودەوڵەتیی قائیم، یەکەم دەروازەی سنووری نێوان عێراق و سوریایە، لەدوای کەوتنی ڕژێمەکەی ئەسەد بەشێوەیەکی سنووردار بەرووی هاتوچۆی بازرگانی و هاتوچۆی هاوڵاتییان کرابووەوە.
میدیاکانی عێراق بڵاویانکردەوە، ماوەی دوو رۆژە دەروازەکە جارێکی دیکە داخراوەتەوە ئاشکراشیانکرد، ئەو ئۆتۆمبێلانەی رێگایان پێدراوە تێپەڕبن، بە بڕیاری دەسەڵاتێکی باڵای ئەمنیی بووە.
لەلایەکی دیکەوە، ڕۆژنامەی عەرەبی جدید لە راپۆرتێکی بنکۆڵکاریدا، زانیاری ئەوەی ئاشکراکردووە کە لەدوای گۆڕانکارییەکانەوە عێراق، بە بێدەنگی هەناردەکردنی نەوتی بۆ سوریا ڕاگرتووە.